मिडियामाथि नियन्त्रणको प्रयास र पत्रकारितामाथि दबाब सिर्जना गरिएको भन्दै काठमाडौंको माइतीघर मण्डलामा विरोध प्रदर्शन गरिएको छ।
युवाहरूको समूहले कालो पोशाक लगाएर ब्यानरसहित माइतीघर मण्डलामा प्रदर्शन गरेको हो। प्रदर्शनकारीहरूले प्रेस स्वतन्त्रता, अभिव्यक्ति स्वतन्त्रता र लोकतान्त्रिक अधिकारको संरक्षण गर्न माग गरेका छन्।
प्रदर्शनमा सहभागी पुष्कर बास्तोलाले सरकारले पत्रकारितामाथि प्रहार गर्दै नागरिकको बोल्न पाउने स्वतन्त्रता खोस्ने प्रयास गरेको आरोप लगाए।
उनले सरकारको कार्यशैली निरंकुशतातर्फ उन्मुख भएको भन्दै त्यसविरुद्ध निरन्तर खबरदारी गरिरहेको बताए।
उनले लोकतन्त्र र प्रजातन्त्र प्राप्तिका लागि धेरै पुस्ताले गरेको संघर्ष, त्याग र बलिदानीबाट प्राप्त अधिकारको संरक्षण गर्न सबैले आवाज उठाउनुपर्ने बताए ।
प्रदर्शनकारीहरूले प्रेस तथा अभिव्यक्ति स्वतन्त्रतामाथि कुनै पनि प्रकारको नियन्त्रण स्वीकार्य नहुने भन्दै सरकारलाई सचेत गराएका छन्।
तस्बिरहरूः
